കുളിച്ച് കഴിഞ്ഞ് തിരിച്ചിറങ്ങിയപ്പോ പുറത്ത് നിന്ന് അമ്മൂന്റേം ദേവൂന്റേം ശബ്ദം കേൾക്കാം. രണ്ടും കൂടെ വന്നപ്പോത്തന്നെ അടിയായോ എന്തോ… ഞാൻ വേഗം തോർത്തി ഒരു ലുങ്കിയും ബനിയനും ഇട്ട് മുറിക്ക് പുറത്തേക്കിറങ്ങി.

ഇല്ല പറ്റൂല്ല.. അമ്മ വേണ്ട… അമ്മൂന് ഒറ്റയ്ക്ക് മുറി വേണം..

അമ്മൂ.. വെറുതേ വാശി പിടിക്കല്ലേ…

ഞാൻ ചെല്ലുമ്പോ അമ്മു അവളുടെ ബെഡ്റൂമിന്റെ വാതിൽക്കൽ നിൽക്കുകയാണ്, ദേവു ആണെങ്കിൽ ബാഗും പിടിച്ച് അകത്തേക്ക് കയറാൻ ശ്രമിക്കുന്നു.. അമ്മു ദേവൂനെ തടയുന്നു.

അപ്പോ അതാണ് കാര്യം… അമ്മു ദേവൂനെ മുറിയിൽ കയറാൻ സമ്മതിക്കാതെ തടയുകയാണ്..

ആഹ്.. ചേട്ടായീ.. ദാ ഇതിനെ പിടിച്ചോണ്ട് പോയേ…. ഇങ്ങോട്ട് ഞാൻ കേറ്റൂല്ല..

എന്നെ കണ്ടതും അമ്മു വിളിച്ച് കൂവി…

ദേവുന്റെ മുഖത്ത് നിസ്സഹായ ഭാവം..

ദേവു.. ഇങ്ങോട്ട് പോര്..

ഞാൻ ദേവൂനെ നോക്കി പുഞ്ചിരിച്ചുകൊണ്ട് പറഞ്ഞു,

എന്നെകണ്ട് ദേവു തിരിഞ്ഞ ഗ്യാപ്പിൽ അമ്മു മുറിയുടെ വാതിൽ ദേവൂന്റെ മുന്നിൽ കൊട്ടിയടച്ചു.

ഇവിടെ വാ ദേവു…

ഞാൻ പിന്നേം വിളിച്ചിട്ടും ദേവു മടിച്ച് നിൽക്കുന്നത് കണ്ട് ഞാൻ തന്നെ പോയി ദേവൂന്റെ ബാഗ് പിടിച്ചു
വാങ്ങി മുറിയിൽ കൊണ്ടുവെച്ചു….

ദേവു പരുങ്ങിക്കളിച്ചുകൊണ്ട് ഒടുക്കം മുറിയിലേക്ക് കയറി വന്നു…

എന്താ ദേവൂസേ മടിച്ച് നിൽക്കണെ.. ഇത് നമ്മുടെ മുറിയല്ലേ..