ആ ഇനി ഏതായാലും ഗാന്ധി ജയന്തിയൊക്കെയല്ലെ വരുന്നത്, അപ്പൊ പിന്നെ സേവനവാരം കൂടി കഴിഞ്ഞിട്ട് ക്ലാസ് തുടങ്ങുകയുള്ളൂ, അതും കഴിഞ്ഞിട്ട് എക്സാം വരുന്നു. അപ്പോ പോകാമെന്നു കരുതി.

അല്ലെങ്കിൽ ത്തന്നെ അവിടെത്തെ ഗേറ്റും പരിസരവും മൊത്തം കാട് പിടിച്ചു കിടക്കുകയാ..

ഇനി സേവന വാരത്തിന് കാട് വെട്ടി തെളിയിച്ചു പരിസരം വൃത്തിയാക്കിയശേഷം ക്ലാസിൽ പോയാമതിയെന്ന്, ഞാനു തീരുമാനിച്ചു..

എന്നെ മണ്ടനാക്കിയത് പോലെ അവൾ വീണ്ടും ചിരിച്ചു.

ഞാൻ പിന്നെയും പിന്നെയും ആഴത്തിൽ ചിന്തിച്ചു.

എന്തായിരിക്കും ഇവൾ പറഞ്ഞതിന്റെ അർത്ഥം?.
ചിലപ്പോൾ എന്നെ കളിയാക്കാൻ വേണ്ടി ചില സൂത്രവാക്യങ്ങൾ പ്രയോഗിക്കാറുണ്ടിവൾ.. ഇനി അങ്ങനെ വല്ലതുമാണോ?

ഹേയ്.. അങ്ങനെ അവളുടെ മുന്നിൽ തോറ്റു കൊടുക്കാൻ ഞാൻ തയ്യാറല്ല..!!
ഇനി അവൾ പറഞ്ഞ മാറ്റർ കണ്ടു പിടിച്ചിട്ട് തന്നെ ബാക്കി കാര്യം.!!

ഞാൻ കുറെനേരം തല പുകഞ്ഞാലോചിച്ചു. എന്നിട്ട് എനിക്കൊന്നും പിടികിട്ടിയില്ല.

ശെടാ..നീ എന്നതാ ടീ,. എന്റെ മുന്നിൽ; അശ്വമേധം കളിക്ക്യാ..??

അവൾ പിന്നെയും ചിരിയടക്കി പിടിച്ച്കൊണ്ട് പെട്ടെന്ന് എഴുന്നേറ്റു അടുക്കളയിലേക്ക് ഓടി .

അത്രയുമായപ്പോൾ പെട്ടെന്ന്, എനിക്ക് ലൈറ്റ് കത്തി..
ഒരുപക്ഷെ അതായിരിക്കുമോ?

ഒന്നും അങ്ങട് മനസ്സിലാവാതെ, അൽപ്പനേരം മൂഢനായി ഞാനിരുന്നു.