ഹാളിൽ ചെന്നപ്പോൾ അച്ഛൻ.

“നീ എന്തിനാ അടുക്കളയിൽ പോയെ..
അവരായി അവരുടെ പാടായി..
പണ്ട് ഇങ്ങനെ സഹായിക്കാൻ കയറിയാ പെട്ടത്..മോൾ വന്നപ്പോഴാണ് ഇങ്ങനെ ഫ്രീയായി ഇരിക്കുന്നെ.”

ഞാൻ ഒന്ന് ചിരിച്ചിട്ട്.

“എന്റെ വിധി എങ്ങനെ ആകുമെന്ന് കുറച്ച് നാൾ കഴിഞ്ഞറിയാം.”

” എടാ ഞാൻ ഒരു പുതിയ കാറ് ബുക്ക് ചെയ്തിട്ടുണ്ട്.. നമ്മുടെ പഴയ വണ്ടി കുറച്ച് മിസ്സിംഗ്‌ ഒക്കെ കാണിച്ചുതുടങ്ങി.. അതുകൊണ്ട് റെഡി ക്യാഷിൽ ഒരെണ്ണം വാങ്ങി. കുറച്ച് മാസങ്ങൾക്ക് മുൻപ് അമ്മയുമായി പോയപ്പോൾ വണ്ടി പണി തന്നു.. അതോടെ അമ്മയാണ് വണ്ടി മാറ്റാൻ നിർബന്ധം പിടിച്ചത്..

“ഏത് വണ്ടി യാ വാങ്ങിയേ?”

” ഒരു bmw കാർ ആണ്. ഷോറൂമിൽ പോയായിരുന്നു ഞങ്ങൾ. നിനക്ക് ഒരു സസ്പെൻസ് ആകട്ടെ എന്ന് വെച്ച് അമ്മ ഇരിക്കുവായിരുന്നു. ഇത്‌ ഇപ്പൊ നീ ഞങ്ങൾക്ക് സസ്പെൻസ് തന്നില്ലേ.

ഞാൻ നിന്നോട് പറഞ്ഞ കാര്യം അമ്മയോട് പറയണ്ട. നാളെ വണ്ടി എത്തും. “

ങാ.. ഞാൻ ഒരു കാര്യം പറഞ്ഞില്ലേ. ദേവികയുടെ അച്ഛന് നാട്ടിലുള്ള കടമൊക്കെ കംപ്ലീറ്റ് തീർക്കണമെന്ന്.. ഈ സാറ്റർഡേ തന്നെ രണ്ടാളും പൊക്കോ.. അത് വെച്ച് താമസിപ്പിക്കണ്ട.. കാശ് ഞാൻ എടുത്തു വെച്ചേക്കം.”

അച്ഛൻ കിടക്കാൻ പോയി. ഞാൻ എന്റെ ഫോണും കുത്തി മുറിയിൽ കിടന്നു.

കുറച്ചു നേരം കഴിഞ്ഞപ്പോൾ ..