അവിടെ മൊത്തം ചുറ്റിനടന്നുകൊണ്ടു അന്ന് നടന്ന കാര്യങ്ങളെക്കുറിച്ച് ഞാൻ ചിന്തിച്ചു.

എത്ര സന്തോഷം നിറഞ്ഞ യാത്രയായിരുന്നത്. എന്നാൽ ഒരു സെക്കന്റ്‌കൊണ്ടു എല്ലാം തന്നെ തകിടം മറിഞ്ഞു.

പപ്പയുടെയും മമ്മിയുടെയും അവസാനത്തെ ഞരക്കം മാത്രമേ എന്റെ മനസ്സിൽ ഉണ്ടായിരുന്നുള്ളു. അവസാനമായി അവരെ കാണാൻ പോലും എനിക്ക് സാധിച്ചില്ല.

അതിനെല്ലാം കാരണക്കാരായവരെ എനിക്ക് കണ്ടുപിടിക്കണം. അപ്പോഴാണ് ഒരു മുഖം എന്റെ മനസ്സിൽ തെളിഞ്ഞു വന്നത്. റോഷൻ.

പിന്നെ ഒന്നും തന്നെ നോക്കാതെ അവനെ വിളിക്കാൻ തന്നെ തീരുമാനിച്ചു. ഈ അവസരത്തിൽ എന്നെ ഏറ്റവും കൂടുതൽ സഹായിക്കാൻ പറ്റുന്നത് അവനെക്കൊണ്ട് മാത്രമായിരിക്കും കാരണം അവന്റെ ഭാര്യ ഒരു പോലീസുകാരിയാണല്ലോ.

ഡിജിപി മെറിൻ തോമസ്. അവരെക്കൊണ്ടു മാത്രമേ എന്നെ സഹായിക്കാൻ പറ്റുള്ളൂ എന്നെനിക്ക് തോന്നിയിരുന്നു..

ഇതെല്ലാം ചിന്തിച്ചുകൊണ്ടാണ് ഞാനവനെ വിളിച്ചത് തന്നെ.

ഡാ അലക്സീ എന്ന അവന്റെ വിളിയിലാണ് ഞാൻ ചിന്തയിൽനിന്നും മോചിതനായത്.

ഡാ റോഷാ എന്ത് ഉണ്ടടാ വിശേഷം.

അങ്ങനെയെല്ലാം പോകുന്നു. പപ്പയും മമ്മിയും മരിച്ചത് ഞാൻ അറിഞ്ഞായിരുന്നു. അപ്പോൾ ഞാൻ സ്ഥലത്തില്ലായിരുന്നു.. അത് കൊണ്ടാണ് നിന്നെ കാണാൻ വരാതിരുന്നത്.

അതൊന്നും കൊഴപ്പമില്ലടാ.. പിന്നെ നിന്റെ ഭാര്യമാർ എന്ത് പറയുന്നു ? എന്നാലും എന്റെ മോനെ.. മൂന്ന് പേരെ നീ എങ്ങനെ മാനേജ് ചെയ്യുന്നു !!