രാവിലേ തന്നെ എല്ലാം പായ്ക്ക് ചെയ്ത് വച്ചിരുന്നതുകൊണ്ട് ഇനി അതിൻ്റെ ഒരു ബുദ്ധിമുട്ട് ഇല്ല.
ഇനി ഒന്ന് കിടക്കണം.., ഞാൻ ഫോണിൽ സമയം നോക്കി, ഒമ്പത് മണി കഴിഞ്ഞിട്ടേ ഒള്ളൂ, എന്നാലും നല്ല ക്ഷീണം ഉണ്ട്…

ഫോണിൽ നേരത്തേ വന്ന മെസ്സേജിൻ്റെ നോട്ടിഫിക്കേഷൻ അതുപോലെ തന്നെ കിടക്കുന്നുത് ഞാൻ ശ്രദ്ധിച്ചു…

മെസ്സേജ് നോക്കി. വീണ്ടും ചേച്ചി തന്നെ..

നാളെ എപ്പോഴാണ് ട്രയിൻ ?

ഇവൾക്ക് എന്താണാവോ എൻ്റെ ട്രയിൻ സമയം അറിഞ്ഞിട്ട് ഇത്ര അത്യാവശ്യം.
മറുപടി ഒന്നും അയച്ചില്ല..

കുറച്ച് കഴിഞ്ഞപ്പോൾ വീണ്ടും മെസ്സേജ്..

എടാ.. ട്രെയിൻ എപ്പഴാണെന്ന്?

രാവിലെ ഒമ്പതരയ്ക്ക് ..

മറുപടി അയച്ചു.

അപ്പോ വീണ്ടും മെസ്സേജെത്തി..

അത് പറയാൻ എന്താ ഇത്ര താമസം, വല്ല പെൺപിള്ളാരുമായി സൊള്ളിക്കൊണ്ടിരിക്കുകയായിരുന്നല്ലേ..

എന്താ പതിവില്ലാത്ത രീതിയിലുള്ള കമന്റ്..

ഏയ്, ഞാൻ ഭക്ഷണം കഴിക്കുകയായിരുന്നു…

ങും.. ഞാൻ വിശ്വസിച്ചു,
ഇനി എന്താ പരിപാടി…

ഉറക്കം അല്ലാതെ വേറെ പരിപാടിയൊന്നുമില്ല…

ഉറക്കമോ ഒമ്പത് മണിക്കോ..?

അരമണിക്കൂറ് കൂടി കഴിഞ്ഞാൽ ഒമ്പതരയാവില്ലേ… ഹ.. ഹ..

ഓഹോ, അത് ഞാൻ അറിഞ്ഞില്ല…

എന്താ പതിവില്ലാതെ വാട്സാപ്പിൽ..?

പതിവില്ലാത്തത് കണ്ടാൽ പിന്നെ എന്താ ചെയ്ക?

പതിവില്ലാത്തതോ? മനസ്സിലായില്ല.