ലീന നേരത്തെ തന്നെ വെള്ളത്തില്‍ ഇറങ്ങിക്കഴിഞ്ഞിരുന്നു.

“വാ, വാന്നേ! ഇവിടെ എന്നാ തണുപ്പാണ് എന്നറിയാവോ? വാ! വാ,”

ഋഷി മുമ്പോട്ട്‌ വന്ന് ലീനയുടെ കൈയ്യില്‍ പിടിച്ചു.

“വാ! ഇര്‍ഫാന്‍റെയും സംഗീത ആന്റിയുടെയും അടുത്തേക്ക് പോകാ ,”

ലീന അവന്‍റെ പിന്നാലെ ചെന്നു.
അവന്റെ കൈയില്‍ നിന്ന് പ്രവഹിക്കുന്ന ചൂട് എന്തിന്റെയാണെന്ന് അവള്‍ തിരിച്ചറിഞ്ഞു.

ഉരുകുന്ന വേനലില്‍ തടാകത്തിന്റെ കുളിര്‍മ്മയില്‍ നില്‍ക്കുന്നത് എത്രമാത്രം സുഖകരമാണെന്ന്‍ അവള്‍ അറിഞ്ഞിരുന്നു.

എല്ലാ വര്‍ഷവും ഈ സമയത്ത് കാട്ടിലും ഈ തടാകത്തിലും വരാറുണ്ടായിരുന്നെങ്കിലും ഇത്തവണത്തെ പ്രത്യേകത ലീന അറിഞ്ഞിരുന്നു..ഋഷി കൂടെയുണ്ട്.!!

പ്രായവും ഭൂതകാലവും മറന്ന് താന്‍ പ്രണയിക്കുന്ന പുരുഷന്‍.

ആശുപത്രിക്കിടക്കയില്‍ ആ ഒരു വാഗ്ദത്തമാണ് ഋഷിയെ ജീവിതത്തിലേക്ക് തിരികെകൊണ്ടുവന്നത്.

അബോധത്തിനും ജ്വരസങ്കീര്‍ണ്ണതകള്‍ക്കുമിടയിലും ജീവന്‍റെ മേല്‍ വന്‍ സുഷിരങ്ങള്‍ വീണപ്പോള്‍ ഡോക്ടര്‍ സുഹ്റയാണ് പറഞ്ഞത്.

“സ്ട്രേഞ്ച് ആയി തോന്നാം..
മെഡിക്കല്‍ കോളേജിലെ സൈക്യാട്രി ഹെഡ് വര്‍ഗ്ഗീസ് തരകന്‍ പറയുന്നത് അപ്പൊടെംനോഫോബിയ സിന്‍ഡ്രോം ആണ് ഋഷിയുടെ പ്രശ്നം എന്നാണ്….അവന്‍റെ മനസ്സില്‍ ഒരാള് പതിഞ്ഞു കിടക്കുന്നുണ്ട് ..അയാള്‍ അമ്മയാണ് എങ്കിലും ഇപ്പോഴവന് ഒരു ലവ് സെക്സ് ഒക്കെ അതില്‍ മിങ്കിളായി കിടക്കുവാണ്… ആ ഒരാള്‍ ആരാണ് എന്ന് കണ്ടെത്തണം…അയാളെ ഇവന്റെ ലൈഫ് പാര്‍ട്ണര്‍ ആക്കണം.. അല്ലെങ്കില്‍ ലൈഫ് ലോങ്ങ്‌ ഋഷി രക്ഷപ്പെടില്ല,”