അവിചാരിത അനുഭവങ്ങൾ !!
എനിക്ക് ദേഷ്യം തോന്നിയില്ലെന്ന് കണ്ടതും ചേച്ചിയുടെ മുഖത്ത് ആശ്വാസം പടർന്നു.
“ശെരി, തല്‍കാലം സാധനങ്ങള്‍ ഒക്കെ വണ്ടിയില്‍ തന്നെ ഇരുന്നോട്ടെ, പിന്നെ എടുക്കാം. ഇപ്പൊ നി അകത്തേക്ക് വാ.”
ചേച്ചി എന്നെ ക്ഷണിച്ചു.
പക്ഷേ ഞാൻ മടിച്ചുകൊണ്ട്‌ അവിടെതന്നെ നിന്നു.
“എന്താ സാം..? എന്റെ വീട്ടില്‍ കേറില്ല എന്നുണ്ടോ?”
ചേച്ചി ആകുലയായി എന്നെ നോക്കി.
“അങ്ങനെ ഒന്നുമില്ല ചേച്ചി. പക്ഷേ ചേച്ചിയല്ലേ പറഞ്ഞത് വല്ലവരും ചേച്ചിയുടെ വീട്ടില്‍ വരുന്നത് ശെരിയാവില്ലെന്ന്….!”
ഉടനെ തമാശ കേട്ടത് പോലെ ചേച്ചി പൊട്ടിച്ചിരിച്ചു.
“എന്റെ പൊന്ന് സാം..നീ എനിക്ക് വല്ലവരും ഒന്നുമല്ല. നിന്നെ ഉദ്ദേശിച്ചല്ല ഞാൻ അങ്ങനെയൊക്കെ പറഞ്ഞത്. എപ്പോ ഏതുനിമിഷം വേണമെങ്കിലും നിനക്ക് ഇവിടെ വരാം. എത്രനേരം വേണമെങ്കിലും നിനക്ക് എന്റെ വീട്ടില്‍ നില്‍ക്കാം.”
അതും പറഞ്ഞ്‌ ചേച്ചി എന്റെ കൈയിൽ പിടിച്ചുവലിച്ചു.
അന്നേരമാണ് രണ്ട് പട്ടികളുടെ ഗര്‍ജ്ജനം പോലത്തെ കുരകേട്ട് ഞാൻ ഞെട്ടിയത്. നോക്കിയപ്പോ രണ്ട് വലിയ കറുത്ത ഡോബർമാൻ പട്ടികള്‍.!! അത് രണ്ടും കുരച്ചു കൊണ്ട്‌ എന്റെ നേര്‍ക്ക് പാഞ്ഞടുക്കുന്നത് കണ്ടു.
“ബ്ലാക്കി — ടോമീ..!!” പെട്ടെന്ന് പട്ടികളെ പേര്‌ വിളിച്ച് ചേച്ചി രണ്ടിനെയും നിയന്ത്രിക്കാൻ ശ്രമിച്ചു.
