അങ്ങനെ വല്ലതും സംഭവിച്ചാൽ പിന്നെ ജീവിച്ചിരുന്നിട്ട് കാരുമില്ല. ചന്ദനയുടെ ജീവിതവും തുലയും. അതൊക്കെ ആലോചിച്ചിട്ട് ഒരു സമാധാനവുമില്ല. ഉള്ള സന്തോഷം കളയണ്ട എന്നോർത്ത് മാത്രം മനസ്സിനെ സ്റ്റെഡിയാക്കി നിർത്തുകയാണ്.

വൈകിട്ട് എല്ലാവരും കൂടി ശംഖുമുഖം ബീച്ചിലേക്ക് പുറപ്പെട്ടു. ബീച്ചിൽ കറങ്ങി നടന്നപ്പോഴൊക്കെ ആശ എന്നെ മുട്ടിഉരുമ്മിയാണ് നടന്നത്. അവൾ നാല് ദിവസം സ്വാതന്ത്യമെടുത്തോട്ടെ എന്ന അനുവാദം വാങ്ങിയിട്ടുള്ളതിനാലും തിരുവനന്തപുരം എനിക്ക് ഒരു പരിചയവും ഇല്ലാത്ത സ്ഥലമായതിനാലും ടെൻഷന്റെ ആവശ്യവും ഇല്ലായിരുന്നു.

ചന്ദനയും ഞങ്ങൾക്കൊപ്പം കൂടുന്നത് ശല്ല്യമായി തോന്നിയിരുന്നെങ്കിലും ഒഴിവാക്കാൻ ഒരു നിർവ്വാഹവും ഇല്ലായിരുന്നു. ലക്ഷ്മിചേച്ചിയും കുഞ്ഞും അമ്മായിയും വളരെ മാന്യമായിട്ടാണ് പെരുമാറിയത്. നാല് ചുവരുകൾക്കകത്തുള്ള ഒരു അടുപ്പവും അവർ കാണിച്ചില്ല. ആശയുടെ പെരുമാറ്റത്തിനും മോശമായ ഒരു രീതിയും ഉണ്ടായിരുന്നില്ല.

കാണുന്നവർ ഞങ്ങളെ ഭാര്യാഭർത്താക്കാരായേ കണക്കാക്കൂ എന്നതും ആശ്വാസമായിരുന്നു. അഡ്ജസ്റ്റ്മെന്റാണെന്ന് തോന്നിയാലാണല്ലോ സദാചാര ഊളകൾ പിന്നാലെ കൂടു. നല്ലൊരു റസ്റ്റോറന്റിൽനിന്നും അത്താഴവും കഴിഞ്ഞാണ് കോട്ടേജിൽ എത്തിയത്.

അന്നേരം ഏതാണ്ട് ഒൻപത് കഴിഞ്ഞിരുന്നു. ഒൻപത് മണിക്കുള്ള ഏതോ സീരിയൽ കാണാൻ പറ്റുമോ എന്നൊരു തിടുക്കം അമ്മായിക്കുണ്ടായിരുന്നതിനാൽ കോട്ടേജിലേക്ക് കയറിയ ഉടനെ അമ്മായി ടിവിക്ക് മുന്നിൽ ഇരിപ്പുറപ്പിച്ചു.