രതികൾ – ദേവിക എന്നോട് പറഞ്ഞായിരുന്നു രാത്രി ഏട്ടൻ ലുങ്കി ഉടുത്തു കെടന്നാൽ മതിയെന്ന് .. അതോർത്തതും ഞാനൊരു ലുങ്കി വാങ്ങി.

നാളെ അവളുടെ നാട്ടിൽ പോകുന്നതല്ലെ അതിന് പറ്റിയ ഡ്രസ്സ്‌ ഞാൻ എടുത്തു.

വൈറ്റ് മുണ്ടും ഷർട്ടും.

6 മണിയായി പർച്ചേസ് കഴിഞ്ഞ് ബില്ല് സെറ്റിൽ ചെയ്തപ്പോഴേക്കും. അച്ഛനാണ് cash കൊടുത്തത്.

ഷോപ്പുടമ ഞങ്ങൾക്ക് വിവാഹ സമ്മാനമായി അവൾക് ഒരു വിലകൂടിയ ഒരു സാരി കൂടി ഗിഫ്റ്റായി കൊടുത്തു.

അതുമല്ലാ.. അച്ഛന് നല്ല ഒരു ഫോറിൻ ബോട്ടിൽ കൊടുത്തു.. അന്നേരത്തെ അമ്മയുടെ മുഖം കണ്ടതോടെ അച്ഛൻ സാധനം വാങ്ങി കാറിന്റെ ഡിക്കിയിൽ വെച്ച്. അമ്മ അച്ഛനെ കണ്ണ് മിഴ്ച്ച് നോക്കുന്നുണ്ടായിരുന്നു.

വണ്ടി അച്ഛൻ ഓടിച്ചു.

അച്ഛൻ അമ്മയോട്.

“അവൻ സ്നേഹത്തോടെ നമുക്ക് തന്ന തല്ലെ…”

അമ്മ : “നമുക്കോ. ദേ.. മനുഷ്യാ.. അതെങ്ങാനും വീട്ടിൽ കയറ്റിയാൽ.”

ഞാൻ ദേവൂട്ടിയോട് ചെവിയിൽ പറഞ്ഞു:.

അമ്മ അങ്ങനെ യൊക്കെ പറയും.. അച്ഛൻ വീട്ടിൽ അത് കയറ്റും.. ചിലസമയം രണ്ടാളും ഒരുമിച്ചിരുന്നു കഴിക്കേം ചെയ്യും…”

“അമ്മയോ.”

ഉം.. രണ്ടിനും കൂടി ഒരു വർഷം വേണം ഒരു കുപ്പി തീർക്കാനെന്ന് മാത്രം.”

അവൾ ചിരിച്ചു.

“എന്താമോളെ ചിരിക്കൂന്നേ.”

“ഒന്നുല്ലമ്മേ.”

ഞങ്ങൾ വീട്ടിലെത്തി.

ഫുഡ്‌ കഴിച്ചുകൊണ്ടിരിക്കെ എപ്പോഴാണ് പോകുന്നെ എന്ന് അമ്മ ചോദിച്ചു.

“രണ്ട് മണിക്ക് പോകും.”

അന്നേരം ദേവിക പറഞ്ഞു.

“അമ്മയും അച്ഛനും വരണം.”

“മോളെ അത്.”

“അത്‌ ഒന്നും ഇല്ലാ.. എന്റെ കൂടെ വരണം അമ്മക്ക് എന്റെ നാട് കാണേണ്ടേ.”

ദേവിക വിളിച്ചതോടെ അമ്മയും വരാമെന്ന് പറഞ്ഞു. അപ്പൊത്തന്നെ അച്ഛനും സമ്മതിച്ചു.

ഞാൻ പറഞ്ഞു.

“എന്നാ ശെരി.. നാളെ രണ്ട് മണിക്കുള്ളിൽ എല്ലാവരും റെഡിയാകണം.”

ഒരു മണിക്ക് അലാറം വെച്ചിട്ട് ഞങ്ങൾ കിടന്നു.
അവൾ എന്നെ കെട്ടിപിടിച്ചു കിടന്നുറങ്ങി പ്പോയി.

1:30 ആയപ്പോൾ ദേവൂട്ടി എന്നെ വിളിച്ചെഴുന്നേപ്പിച്ചു. അന്നേരം അവളെ കാണാൻ നല്ല സുന്ദരിയായിരിക്കുന്നു. ഇന്നലെ മേടിച്ച ഒരു പാട്ടുസാരിയുടുത്തു സുന്ദരിയായി നിൽക്കുകയായിരുന്നവൾ..

സൂപ്പർ ആയിരിക്കുന്നു.. ആരാടി ഉടുപ്പിച്ചു തന്നെ?

അമ്മ.. അമ്മയും റെഡിയായി.. അച്ഛൻ റെഡിയാകുന്നു..ചേട്ടൻ ഫ്രക്ഷായി വാ.”

ഞാൻ ടോയ്‌ലെറ്റിലേക്ക് പോയി.

അവൾക്ക് ഇത്രയും സുന്ദരി ആകാമെങ്കിൽ എനിക്കും സുന്ദരൻ ആയിക്കൂടെ..

ഞാൻ താടി ഷേവ് ചെയ്തു.. കുളിച്ചു വന്നപ്പോൾ മുറിയിൽ അവൾ ഇല്ലായിരുന്നു. അമ്മയുടെ റൂമിലാണെന്ന് സംസാരം കേട്ടപ്പോൾ മനസിലായി.

ഞാൻ പുതിയ ഡ്രസ്സ്‌ ധരിച്ച് കണ്ണാടിയിൽ നോക്കിയിട്ട് സ്വയം പറഞ്ഞു…

“ഇപ്പൊ എന്നെ കണ്ടാൽ ദേവികയുടെ ഒപ്പം നില്കും.”

അപ്പോഴേക്കും അവൾ അകത്തേക്ക് വന്നു. ഞാൻ തിരിഞ്ഞു നോകുമ്പോൾ അവളുടെ കൈയിൽ നിറയെ സ്വർണ വളകൾ..

അതൊക്കെ ഞങ്ങളെ പിക്ക് ചെയ്യാൻ കോളേജിലേക്ക് വരും മുന്നേ അമ്മ വാങ്ങിയതാണെന്ന് ഞാനോർത്തു.. ദേവിക വിളിച്ചപ്പോൾ ജ്വല്ലറിയിലാണെന്ന് പറഞ്ഞിരുന്നതാണല്ലോ..

.

ഞാൻ കണ്ണാടിയിലേക്ക് വീണ്ടും നോക്കിയതും അവൾ ചിരിച്ചു കൊണ്ട് കണ്ണാടിയിൽ കാണും വിധം എന്റെ മുമ്പിലേക്ക് കയറിനിന്ന്.

എന്റെ ചുണ്ടിന്റെ അത്രയുമേ പൊക്കമുള്ളവൾക്ക്.

“ഇപ്പൊ നമ്മളെ കാണാൻ നല്ല ഭംഗി..അല്ലെ.”

എന്ന് പറഞ്ഞവൾ ചിരിച്ചു.

കണ്ണെഴുതി തലമുടി ഒതുക്കിക്കെട്ടി കടും പച്ച പാട്ടുസാരിയിൽ പുഞ്ചിരിക്കുന്ന മുഖവുമയി നിൽക്കുന്ന അവളും, ചന്ദനക്കളർ ഷർട്ടും മുണ്ടും ഉടുത്തേക്കുന്ന എന്നെയും കണ്ടാൽ .. കാണുന്നവർ കണ്ണ് വെക്കുമെന്ന് ഉറപ്പാണ്.

ദേവിക ആ വേഷത്തിൽ അതീവ സുന്ദരി ആയി കഴിഞ്ഞിരിക്കുന്നു. ഒപ്പം അവളുടെ സുന്ദരമായ പുഞ്ചിരി നിറഞ്ഞ മുഖവും.

ഞാൻ അവളുടെ ചെവിയിൽ പറഞ്ഞു.

“നിന്നെ കാണാൻ സുന്ദരി ആട്ടോ.”

അവൾ തിരിഞ്ഞുനിന്ന് എന്നോട് പറഞ്ഞു.

“ഏട്ടനെ കാണാനും ”

അപ്പോഴേക്കും അമ്മ വന്നു.

“നോക്കിനില്കാതെ ഇറങ്ങാം പെണ്ണേ.”

ഞങ്ങൾ കാറിലേക്ക് കയറി. അമ്മയും ദേവികയും പുറകിൽ ഇരുന്നു. ഞാൻ ഡ്രൈവിങ് സീറ്റിൽ. അച്ഛൻ എന്റെയൊപ്പമിരുന്നു.
കൈയിൽ ഉണ്ടായിരുന്ന ഒരു വലിയ പൊതി ഞങ്ങൾക്കിടയിൽ വെച്ച്..
യാത്ര ആരംഭിച്ചു..

മൂന്ന് വർഷം മുന്നേ ഇതേപോലെ ഒരു യാത്രയായിരുന്നു ദേവികയെ കാണാൻ..
കോളേജിലേക്ക് വരാത്തതെന്തെന്നറിയാനായി കാവ്യയുടെ നിർബന്ധ പ്രകാരം ഇറങ്ങിത്തിരിച്ച ഞാൻ തിരിച്ച് പോന്നത് ദേവിക എന്നാ എന്റെ ദേവൂട്ടിയേയും കൊണ്ടായിരുന്നു.. അതുകഴി ഞ്ഞിന്ന് ഞാനും അവളും തിരിച്ച് അവളുടെ നാട്ടിലേക്ക്…

അന്ന് വിവാഹത്തിന് മുൻകൈ എടുത്ത ആ ചേച്ചിയും ചേട്ടനുമായുള്ള കോൺടാക്ട് ദേവികക്ക് വല്ലപ്പോഴും ഉണ്ടായിരുന്നു. വിശേഷമൊക്കെ അറിയാൻ അവർ വിളിക്കുമായിരുന്നു.

അവൾ അമ്മയോട് പറഞ്ഞിരുന്നു.. അവളേയും കൊണ്ട് ഞാൻ പോന്ന അന്ന് തന്നെ വീട്ടിലേക് കൊണ്ട് വന്നു എന്ന് പറയണമെന്ന്.

അമ്മ അത്‌ വിസമ്മതിച്ചു വെങ്കിലും ഞാൻ അവളെ പൊന്നുപോലെ നോക്കി എന്നറിഞ്ഞതോടെ അമ്മ സമ്മതം മുളിയിരുന്നു.

ദേവികയുടെ നാട് കാണാനുള്ള വലിയ താല്ലരുത്തോടെയാണ് അമ്മ വണ്ടിയിൽ ഇരിക്കുന്നെ..ദേവിക അമ്മയുടെ മടിയിൽ തല ചായ്ച്ച് കിടന്നുറങ്ങുന്നു. അമ്മ സ്വന്തം മകളെപ്പോലെ അവളുടെ തലയിൽ തലോടിക്കൊണ്ട് കാഴ്ചകൾ കാണുന്നു. നേരം വെളുത്തിട്ടുമില്ല.
അച്ഛൻ സിറ്റിലിരുന്നുറങ്ങുന്നു. ഞാൻ പാട്ടും കേട്ടുകൊണ്ട് വണ്ടി ഓടിക്കുന്നു.

കുറച്ച് നേരം കഴിഞ്ഞപ്പോൾ അച്ഛൻ പറഞ്ഞിട്ട് വണ്ടി നിർത്തി.
അച്ഛൻ അമ്മയുടെ ഒപ്പം പുറകിൽ കയറി. ദേവികയെ എന്റെ കൂടെ ഫ്രണ്ടിൽ ഇരുത്തി.

ഒരുറക്കം കഴിഞ്ഞതോടെ അവൾ ഉഷാറായി. എന്നോട് വാർത്തമാനം പറഞ്ഞു കൊണ്ടിരുന്നു.

അമ്മയും അച്ഛനും പുറകിൽ കിടന്നു നല്ല ഉറക്കം ആണെന്ന് ദേവിക എന്നോട് പറഞ്ഞു.

അവൾ എന്റെ അടുത്തേക്ക് ചേർന്നിരുന്നു.
എന്റെ തോളിലേക്ക് ചാഞ്ഞിട്ട് അവളുടെ കൈ എന്റെ തുടയുടെ മുകളിൽ വെച്ചു.. ഓട്ടോമാറ്റിക് ഗിയർ ആയത്കൊണ്ട് അവൾ അടുത്ത് ചേർന്ന് ഇരിക്കുന്ന കൊണ്ട് റിസ്ക്ക് ഒന്നുമില്ലായിരുന്നു

“ഏട്ടാ അമ്മയും അച്ഛനും നല്ല ഉറക്കത്തിൽലാണല്ലോ.”

“അവർ നല്ല ഉറക്കത്തിൽ ആയിരിക്കുന്ന ടൈമല്ലേ ദേവൂട്ടി.. അവര് ഉറങ്ങട്ടേന്ന്. “

“അല്ലാ ഏട്ടാ”

“എന്താ ദേവൂട്ടി.”

അവൾ എന്റെ തോളിൽ ചാഞ്ഞിരുന്നു മുന്നോട്ട് നോക്കി ചോദിച്ചു.

“അന്ന് എന്നെ അന്വേഷിച്ചു വരുമ്പോൾ
തനിയെ വണ്ടി ഓടിച്ചപ്പോൾ ഏട്ടൻ എന്ത് വിചാരിച്ചിരിക്കയായിരുന്നു.”

“അതൊ.. ഞാൻ അന്വേഷിച്ച് പോകുന്ന ആ കാലമാടത്തി ചത്തുപോയി കാണും എന്ന് വിചാരിച്ചായിരുന്നു വണ്ടി ഓടിച്ചേ.”

“പോടാ പട്ടി.”

“ഡി..ഡി….”

ചത്തു പോകണമെന്ന് ആശിച്ചവൾ ഒരു ബാദ്ധ്യതയായി കൂടെപ്പോന്നു.. അല്ലേ..

ശരിയാ.. ആദ്യം അങ്ങനയാ തോന്നിയത്.. ശരിക്കും എന്താണ് സംഭവിക്കുന്നതെന്ന് അറിയാൻ പാടില്ലാത്ത ഒരവസ്ത.. പിന്നീടല്ലേ ഞാൻ തിരിച്ചറിഞ്ഞത്.. എന്റെ ജീവിതത്തിലേക്ക് ഭാഗ്യം കൊണ്ടുവരികയായിരുന്നു ഞാനെന്ന്..

അവൾ എന്റെ കൈ മുറുകെ പിടിച്ചു ദൂരെക് നോക്കി കൊണ്ട് ഇരുന്നു..
ആ മുഖത്ത് സന്തോഷത്തിന്റെ നിറം കാണാമായിരുന്നു.

അങ്ങനെ ഇരുന്നവൾ ഉറക്കത്തിലേക്ക് വീണു. ഞാൻ വണ്ടി സൈഡ് ആക്കി അവളെ സീറ്റിൽ നല്ലപോലെ ഇരുത്തി സീറ്റ് ബെൽറ്റ്‌ ഇട്ട് കൊടുത്ത ശേഷം അവളുടെ നാട്ടിലേക്ക് ലക്ഷ്യം വെച്ച് വണ്ടി ഓടിച്ചു.

ഇടക്ക് ഞാനവളെ നോക്കുമ്പോൾ സുഖമായി ഉറങ്ങുകയായിരുന്നവള്..

പുലർച്ചെ ആകാറായതും അവൾ എഴുന്നേറ്റു എന്നേ ത്തന്നെ നോക്കിക്കൊണ്ടിരുന്നു.

അമ്മയും അച്ഛനും എഴുന്നേറ്റ് പുലർകാല കാഴ്ചകൾ കണ്ടു തുടങ്ങി. അതും എന്റെ ദേവൂട്ടിയുടെ നാട്.

ഈ നാടിനെ പട്ടിക്കാട് എന്നൊക്കെ പറഞ്ഞുകൊണ്ട് അന്വേഷിച്ച് പോയ എനിക്ക്, അന്ന് പറഞ്ഞതിൽ കുറ്റബോധം തോന്നിത്തുടങ്ങി. അവളുടെ നാട്ടിന് ഇത്രയും ഭംഗിയുണ്ടോ എന്ന് ഇപ്പോഴാണ് തോന്നിയത്.

ശരിയാ.. അന്ന് ദേവികയുടെ വീട്ടിലേക്കുള്ള യാത്ര കാവ്യയുടെ നിർബന്ധ പ്രകാരം ഒരു താല്പര്യവും ഇല്ലാതെ.. അതും വീട്ടിൽ കളവും പറഞ്ഞ് പോന്നതിന്റെ കുറ്റബോധവും. തിരിച്ച് പോന്നതോ.. അത് വരെ ദേഷ്യവും വൈരാഗ്യവും വെച്ചു കൊണ്ടിരുന്ന പെണ്ണിനെ താല്പര്യമില്ലാതെ തന്നെ താലി കെട്ടിക്കൊണ്ടും..

ദേവൂട്ടി ഗെയ്ഡ് ആയി മാറി.
അവൾ ഞങ്ങൾക്ക് എല്ലാം പറഞ്ഞു തരാൻ തുടങ്ങിയിരിക്കുന്നു.

തിരിഞ്ഞു ഇരുന്നു അമ്മയോട് സംസാരിക്കാൻ ബുദ്ധിമുട്ട് കാരണം
വണ്ടി നിർത്തിച്ചിട്ടവൾ അമ്മയുടെ കൂടെ കയറി.
അച്ഛനെ അമ്മ മുമ്പിലേക്ക് വീട്ടു.

പിന്നെ അമ്മക്ക് മൊത്തം പറഞ്ഞു കൊടുക്കുവായിരുന്നവൾ.

അവൾ പഠിച്ച സ്കൂൾ ഒക്കെ കാണിച്ചു തന്നു.

ഒരു ഗവണ്മെന്റ് സ്കൂൾ.

എന്റെ ദേവൂട്ടിയുടെ സ്കൂൾ.
അവൾ കളിച്ചു വളർന്ന സ്കൂൾ.

അധികം വികസനം ഒന്നും ഇല്ലെങ്കിലും അവിടമാകെ പുതിയ കെട്ടിടങ്ങൾ ഉയർന്ന് വരുന്നുണ്ടായിരുന്നു.

പണ്ട് ഞാൻ അവളെ അന്വേഷിച്ചു വന്നപ്പോൾ ചായകുടിക്കാൻ ഇറങ്ങിയ ആ ചായക്കടയുടെ മുന്നിൽത്തന്നെ ഞാൻ വണ്ടി നിർത്തി. [ തുടരും ]