ചൂട് – ഹോട്ടലിലേക്ക് ഉടനെ പോകും. കിടന്നുറങ്ങും. വൈകിട്ട് അനാമിക ട്രെയിനിൽ കയറിയിട്ട് വിളിച്ചാൽ മതി എന്നും പറഞ്ഞായിരുന്നു മെസ്സേജ്.

വൈകിട്ട് രേണുവിനോട് പറഞ്ഞിട്ട് അനാമിക ഹോസ്റ്റലിൽനിന്നും ഇറങ്ങി. ട്രെയിനിൽ കയറി ഇരുന്നു കഴിഞ്ഞപ്പോഴേക്കും അങ്കിളിൻ്റെ മെസ്സേജ്. റെയിൽവേ സ്റ്റേഷനിൽ ഒരു ബ്ലൂ എത്തിയോസ്‌ കാർ പാർക്കിങ്ങിൽ കാണും. നേരെചെന്ന് അതിൽ കയറിയാൽ മതി. ഡ്രൈവറോട് ഒന്നും ചോദിക്കുകയും പറയുകയും വേണ്ട. ഇതാണ് കാറിൻ്റെ നമ്പർ. ഇതായിരുന്നു മെസ്സേജ്. കാറിൻ്റെ നമ്പറും ഉണ്ടായിരുന്നു.

അനാമിക രേണുപറഞ്ഞ കാര്യങ്ങളും ഓർത്തു പുറത്തോട്ടു നോക്കിയിരുന്നു. സ്റ്റേഷനുകൾ പലതു കഴിഞ്ഞുപോയി. മോളെ അടുത്ത സ്റ്റേഷനിൽ ഇറങ്ങാൻ മറക്കരുത് എന്നും പറഞ്ഞു അങ്കിളിൻ്റെ മെസ്സേജ് വന്നപ്പോൾ അവൾ ആദ്യം ഒന്നമ്പരന്നു. പിന്നെയോർത്തു അങ്കിൾ ട്രെയിനിൻ്റെ ലൈവ് നോക്കിയിട്ടു തന്നെ ഒന്ന് റിമൈൻഡ് ചെയ്തതാന്നു.

അങ്ങനെ കുറച്ചു കഴിഞ്ഞു അനാമിക സ്റ്റേഷനിൽ വന്നിറങ്ങി. നേരെ പാർക്കിങ്ങിലോട്ടുചെന്നു. കാർ എളുപ്പം തന്നെ കണ്ടു. നേരെ ഡോർ തുറന്നു അകത്തു കയറി. ഡോർ അടച്ചു കഴിഞ്ഞപ്പോൾ ഡ്രൈവർ കാർ എടുത്തു.

ഒരു പ്രായമുള്ള ആളാ ഡ്രൈവറെന്നു അനാമിക കണ്ടിരുന്നു. പത്തു മിനുട്ടേയുള്ളൂ ഹോട്ടലിലേക്ക്. താൻ ഹോട്ടലിൻ്റെ പാർക്കിങ്ങിൽ കാണുമെന്നു അങ്കിളിൻ്റെ മെസ്സേജ് വന്നപ്പോൾ അനാമികയുടെ ഹൃദയം കൂടുതൽ ഇടിക്കാൻ തുടങ്ങി.