ഞങ്ങൾക്ക് പ്ലാനൊന്നുമില്ല. ടൗണിൽ ഒന്ന് കറങ്ങി. ബീച്ച്.. ഫുഡ് അങ്ങനെ എല്ലാം കഴിഞ്ഞു ഇപ്പൊ വന്നതേയുളളൂ .

അപ്പൊ വിളിക്കാമായിരുന്നല്ലോ..എല്ലാം കഴിഞ്ഞു ഇപ്പോഴാണോ വിളിക്കുന്നത്..

പിന്നെ.. എന്നിട്ടെന്തിനാ.. കട്ടുറുമ്പാകാനോ.. ശരിയെടി ..ഞാൻ നാളെ വിളിക്കാം. ഓക്കേ.

അപ്പോഴേക്കും ജോർജ് ബിയറും ഗ്ലാസും കൊണ്ടുവന്നു.

രാജി ടീച്ചർ ആയിരുന്നോ.

എനിക്ക് ഈ സമയത്ത് വിളിക്കാൻ അവളല്ലേ ഉള്ളൂ.. വെറുതെ വിളിച്ചതാ..

അവൻ ബിയർ ഓപ്പൺ ചെയ്യാനെടുത്തപ്പോൾ ഞാൻ പറഞ്ഞു.

കുട്ടാ.. ഒരു ബിയർ ഓപ്പണാക്കിയാമതി. ഞാൻ ഇതുവരെ കുടിക്കാത്ത സാധനമാണ്. ചിലപ്പോ ഇതുമുഴുവനും നീ തന്നെ കുടിക്കേണ്ടിവരും..

അവൻ ഒരു ബിയർ ഓപ്പണാക്കി ഒരു ഗ്ലാസ്സിലേക്കു ഒഴിച്ചു. എന്നിട്ടു എനിക്ക് നേരെ നീട്ടി.

നീ കുടിച്ചിട്ട് മതി എനിക്ക് .

ഓക്കേ.. എന്ന് പറഞ്ഞ് ഗ്ലാസിൽ ഉണ്ടായിരുന്ന ബിയർ അവൻ കുടിച്ചു. എന്നിട്ട് എനിക്ക് വേറെ ഒഴിച്ച് തന്നു.

കുട്ടാ.. ഞാൻ ആദ്യമായിട്ട് കുടിക്കയാണ്. എന്തെങ്കിലും സംഭവിച്ചാൽ എന്നോടൊന്നും തോന്നരുത്.

എന്ത് തോന്നാൻ..നീ കുടിച്ചുനോക്ക്. . ബുദ്ധിമുട്ടു തോന്നിയാ നിർത്തിക്കോ.. പിന്നെ നിർബന്ധിക്കില്ല.

ഞാൻ കുടിക്കണോ ജോർജേ..
എന്ന് ചോദിച്ചെങ്കിലും എന്തും വരട്ടേ എന്ന് കരുതി ഒറ്റവലിക്ക് ഗ്ലാസിന്റെ പകുതി കുടിച്ചു. എന്തോ ഒരു ചവർപ്പ് എന്റെ തൊണ്ടയിലൂടെ ഇറങ്ങിപ്പോയി. അവൻ എന്നെ തന്നെ നോക്കി നിൽക്കുകയായിരുന്നു. എനിക്കാണെങ്കിൽ ആ ചവർപ്പ് പോയ തുപോലെ.