എനിക്ക് ആ ടീച്ചറെ തലക്കടിച്ചു കൊല്ലാനുള്ള ദേഷ്യമുണ്ടായിരുന്നു. മാരണം. അതിന് വരാൻ കണ്ട നേരം . ഞാൻ ആ തള്ളയെ മനസിൽ ശപിച്ചുകൊണ്ടിരുന്നു.

എന്റെ മുഖത്തെ ഭാവങ്ങൾ കണ്ടിട്ടാണ് എന്ന് തോന്നുന്നു രാജി ആരും കാണാതെ എന്നെ നോക്കി അമർത്തി ചിരിക്കുന്നുണ്ടായിരുന്നു. അതും കൂടി കണ്ടതോടെ ഞാൻ കരയും എന്ന നിലയിലായിരുന്നു. എന്റെ മനസ്സറിഞ്ഞിട്ടെന്നപോലെ രാജി മേരി ടീച്ചറോട് പറഞ്ഞു
”ഏതായാലും ഞങ്ങൾക്ക് ഇന്ന് ഇനി ക്ലാസില്ല.

ഞാനും അനുവും കുറച്ചു നേരത്തെ ഇറങ്ങിയാലോ എന്നാലോചിക്കുകയായിരുന്നു.
അനൂനാണെങ്കിൽ നല്ല സുഖമില്ല എന്ന് പറയുന്നുമുണ്ടായിരുന്നു. ഞങ്ങൾ ഹെഡിനോട് ചോദിച്ചു ഇറങ്ങട്ടെ”
എന്നും പറഞ്ഞു അവൾ എന്നെയും കൂട്ടി അവിടുന്ന് ഇറങ്ങി.
ഞാൻ ജോർജിനോട് കണ്ണുകൊണ്ടു പോവുകയാണ് എന്ന് പറഞ്ഞു,
അവളുടെ കൂടെ ഇറങ്ങി.

ഞങ്ങൾ നേരെ രാജിയുടെ വീട്ടിലേക്കാണ് പോയത്. വണ്ടിയിൽ ഇരുന്നു അവളെന്നെ കൊറേ കളിയാക്കി ചിരിച്ചു. അവളുടെ വീട്ടിൽ നിന്നും ചായയും കുടിച്ചു ഞാൻ വീട്ടിലേക്കു ഇറങ്ങാൻ നിക്കുമ്പോൾ അവൾ പറഞ്ഞു
എടീ ഞാൻ നാളെ ലീവ് ആണ്. നീ നാളെ ഹാഫ് ഡേ ലീവ് എടുത്തു ഇങ്ങോട്ടു വരുന്നോ

അതെന്തേ പെട്ടന്നൊരു ലീവ്?

ഒന്നുമില്ല .. എനിക്ക് നാലഞ്ച് ലീവ് പെന്റിങ് ഉണ്ട് . നാളെ എനിക്ക് രണ്ട് ക്ലാസ്സെ ഉള്ളൂ. അതുകൊണ്ടാ..