എന്നെ ആദ്യമായി ചുരിദാറിൽ കണ്ട അച്ഛനും അമ്മയും അത്ഭുതപ്പെട്ടുപോയി.

രാജി എന്റെ വീട്ടിൽനിന്നും ഊണ് കഴിച്ചതിനു ശേഷമാണ് അവളുടെ വീട്ടിലേക്കു പോയത്.

ഊണ് കഴിഞ്ഞ ഞാൻ തലേന്നത്തെ ഉറക്കം ഉള്ളതുകൊണ്ട് ഒന്ന് മയങ്ങാൻ വേണ്ടി റൂമിലേക്ക് പോയി.
കഴിഞ്ഞ രണ്ടു മൂന്ന് ദിവസത്തെ കാര്യങ്ങൾ ഓരോന്നും ആലോചിച്ചു കിടന്നു ഉറങ്ങിപ്പോയി. വൈകുന്നേരം ജോർജ് ഫോൺ വിളിച്ചപ്പോഴാണ് ഉണരുന്നത്. അവൻ രാവിലെ അമ്മയെ വീട്ടിൽ കൊണ്ടാക്കി നേരെ സ്കൂളിലേക്ക് പോയി എന്ന് പറഞ്ഞു. ഞങ്ങളുടെ കാര്യങ്ങളൊക്കെ അന്വേഷിച്ചു നാളെ കാണാം എന്ന് പറഞ്ഞു ഫോൺ വച്ചു.

രാത്രി ആയപ്പോൾ എനിക്ക് എന്തക്കയോ മിസ്സാകുന്നപോലെ തോന്നാൻ തുടങ്ങി. ഞാൻ രാജിയെ ഫോണിൽ വിളിച്ചു. അവളും ഉറങ്ങാനുള്ള തയ്യാറെടുപ്പിലായിരുന്നു.

എന്താടി രാത്രിയില്..നിനക്ക് ഉറക്കമില്ലേ .

ഉറങ്ങാൻ പറ്റുന്നില്ലെടി. എനിക്ക് എന്തൊക്കെയോ ആവുന്ന പോലെ !

എന്താകുന്നു പോലെ ?

അതൊന്നും എനിക്കറിയില്ല. എന്തോ പോലെ..!

ഇത് സൂക്കേട് വേറെയാ.. അതിന് ഇപ്പൊ ഒരു നിവർത്തിയും ഇല്ല..നീ തൽകാലം പില്ലോയും കെട്ടിപിടിച്ചു കിടന്നോ.. അതാ നല്ലത്. അപ്പൊ ഗുഡ് നൈറ്റ്.. നാളെ കാണാം

അവള് ഫോൺ വച്ച് കളഞ്ഞു.

ഞാൻ ജോർജിനെ വിളിച്ചു. കുറച്ചു നേരം അവനുമായി സംസാരിച്ചപ്പോൾ മനസിന് ഒരാശ്വാസം കിട്ടിയപോലെ.. എന്നാലും കുറച്ചുനേരം കൂടി അങ്ങനെ കിടന്നു എപ്പോഴോ ഉറങ്ങിപ്പോയി.