അവൾ പ്രാക്റ്റീസ് ചെയ്യുന്നിടത്തൊക്കെ ഞാൻ എന്റെ കൂട്ടുകാരുമായി വട്ടം ചുറ്റി നിന്ന് അവളെ പ്രോത്സാഹിക്കുന്നത് പതിവാക്കി, അവൾക്കും അത് ഒരു ഹരമായി മാറി. അവൾ പ്രാക്റ്റീസ് കഴിഞ്ഞ് ക്ഷീണിച്ച് തളർന്നിരിക്കുമ്പോൾ അവൾക്കും കൂട്ടുകാരികൾക്കും കാൻറീനിൽ നിന്നും വെള്ളവും മറ്റും എത്തിക് കൊടുക്കുന്ന ജോലിയും പിന്നെ എന്റേതായി. എനിക്കതൊക്കെ വളരെ അടിപൊളിയായി തോന്നിയിരുന്നു അതൊക്കെ, അവളുടെ നിഴൽപോലെ നീങ്ങാനായി ഞാൻ നന്നായി ബുദ്ധിമുട്ടി എന്ന് വേണം പറയാൻ.

ലക്ഷ്മിയുടെ മുന്നിൽ ഷൈൻ ചെയ്യാൻ പറ്റുന്ന അവസ്സുരങ്ങളൊക്കെ ഞാൻ മുതലാക്കി. എന്റെ കരുത്ത് തെളിയിക്കനായി സി സെക്ഷനിലെ കാടൻ ബിനോയിനെ കരാട്ടെ സ്റ്റൈലിൽ അടിച്ചൊതുക്കാനും ഞാൻ മടിച്ചില്ല. എന്റെ വികൃതികൾ ഇത്തിരി അതിര് കടക്കുന്നോ എന്ന് എനിക്കു തന്നെ സംശയം തോന്നിത്തുടങ്ങിയിരൂന്നു.

ഫുട്ട്ബാളായിരുന്നു അന്നത്തെ പ്രധാന കളി, പോരാത്തതിന് ഇന്റെർ സ്കൂൾ ഗെയിംസും അടുത്ത് വരികയായിരുന്നു. ദിവസവും ഗെയിംസ് പിരീഡ് ഉണ്ടായിരുന്നു. ഗ്രൗണ്ടിലെത്തിയപ്പോഴാണ് ഷിൻ പാഡ് എടൂത്തിട്ടില്ല എന്ന് ഓർത്തത്. ഞാൻ ഉടനെ അതെടുക്കാനായി ക്ലാസ്സിലേക്കോടി. ക്ലാസ്സിൽ ആരും ഉണ്ടായിരുന്നില്ല….പക്ഷെ..അതാ..അതാ അനുപമ, അവൾ ഒറ്റയ്ക്ക് ക്ലാസ്സിൽ ഇരിക്കുന്നു.
.അവൾ ഇരുന്നിരുന്നത് എന്റെ സീറ്റിലായിരുന്നെന്ന് മാത്രം.