കഴപ്പ് – “നിനക്ക് നാണമുണ്ടോടാ ആ കൊച്ചിനോട് പോയി ഇഷ്ടമാണെന്ന് പറയാൻ… വീട്ടുകാരെ നാണംകെടുത്താനായിട്ട് രാവിലെ തന്നെ കുളിച്ചു ഒരുങ്ങി ഇറങ്ങിക്കോളും .. മരക്കഴുത ”

അപ്പച്ചൻ എന്നെ നോക്കി ഉള്ള ദേഷ്യം മുഴുവൻ വിളിച്ചുകൂവി.

“എന്റെ മാതാവേ എന്നാലും എന്റെ വയറ്റിൽത്തന്നെ ഇങ്ങനൊരു മരപ്പാഴ് പിറന്നല്ലോ“

അപ്പച്ചനൊപ്പം അമ്മച്ചിയും കൂടി.

ഡൈനിങ് ടേബിളിൽ എന്റെ അടുത്തിരുന്ന ജെസ്‌ന അത്കേട്ട് ചിരിച്ചുകൊണ്ടേയിരുന്നു.
റിൻസിചേച്ചിയാണേൽ എന്നെനോക്കി പതിവ് പുച്ഛഭാവം തന്നെ.

റിൻസി ചേച്ചിയുടെ തൊട്ടപ്പുറത്ത് ഇരിക്കുന്ന ചേച്ചിയുടെ അനിയത്തി നാൻസിയാവട്ടെ എന്നെ ഇടം കണ്ണിട്ട് നോക്കി ആക്കിച്ചിരിക്കുന്നുണ്ട്.

എന്നെ പൊങ്കാലയിടാൻ എന്റെ വീട്ടുകാർക്ക് പ്രത്യേകിച്ച് കാരണമൊന്നും വേണ്ടെങ്കിലും സ്ഥലത്തെ പ്രമാണിയായ അവറാച്ചന്റെ മകൾ മരിയയെ ഞാൻ ഒന്ന് പ്രൊപ്പോസ് ചെയ്തതാണ് ഇപ്പോളത്തെ കാരണം.

ഈ മരിയ സ്ഥലത്തെ പയ്യന്മാരുടെ ഒരു വീക്നെസ് ആണ്. അതുകൊണ്ട് തന്നെ ഞാനും ഒന്ന് കയറി പ്രൊപ്പോസ് ചെയ്തു.

അവൾ അത് വിളിച്ച്‌ എന്റെ ഉടപ്പിറന്നോളായ ജെസ്‌നയോടു പറയുമെന്ന് ഞാൻ വിചാരിച്ചിരുന്നില്ല.

ജെസ്‌ നയാവട്ടെ അവളുടെ വക എരിവും പുളിയും ചേർത്ത് വീട്ടിൽ എല്ലാവരോടും പറഞ്ഞു പരത്തി.
അത് കേട്ടതും അപ്പച്ചനും അമ്മച്ചിയും എന്റെ നെഞ്ചത്തേക്ക് കയറി.