ചേച്ചി – “എന്നാ പെട്ടന്നാവട്ടെ”… ചേച്ചി പറഞ്ഞു
ഞാൻ ചേട്ടനെ വിളിച്ചു…

“കിട്ടുന്നില്ലല്ലോ റേഞ്ച് പോയന്ന് തോന്നുന്നു ഞാൻ മുകളിൽ പോയി നോക്കട്ടെ… ”

“വേഗം നോക്ക് വെള്ളം കൂടുന്നുണ്ട് “…

ഞാൻ മുകളിലേക്ക് ഓടിച്ചെന്ന് വീണ്ടും വിളിച്ചു.. കോൾ പോകുന്നുണ്ട്…

“ഹലോ.. ഹലോ.. ആഹ് തോമസേട്ടാ ഞാൻ ചേച്ചിക്ക് കൊടുക്കാം..
ചേച്ചി ജേക്കബേട്ടനാ സംസാരിച്ചോ “

” ആ ചേട്ടാ ഞാൻ അങ്ങോട്ട് വരുവാ ഇവിടെ എത്ര നേരം എന്നുവെച്ചു ഇരിക്കും… പിള്ളാരൊക്കെ എന്ത്യേ മോൾക്ക് ശ്വാസം മുട്ടലുണ്ടോ??… ആണോ !!!…
ഇവിടെ വരുമ്പോ ഞങ്ങളെങ്ങനെ അറിയും ??….
ആഹ് ഞാൻ അവന് കൊടുക്കാം.. ”

ചേച്ചി ഫോൺ എനിക്ക് തന്നു…

“പറ തോമാസേട്ടാ “…

” എടാ വടക്ക് വഴി വരാൻ പറ്റുവാണേൽ നീ വാ.. അല്ലേൽ അവിടെ തന്നെയിരിക്ക് ഇവിടെന്ന് കുറച്ച് ആൾക്കാർ വന്നിട്ടുണ്ട് അവരോട് ഞാൻ പറഞ്ഞിട്ടുണ്ട് നിങ്ങളുടെ കാര്യം… വരാൻ പറ്റിയില്ലേൽ അവരുടെ കൂടെ പോര്… ”

“ആഹ് ഞാൻ നോക്കട്ടെ ബുദ്ധിമുട്ടാണെൽ ഞങ്ങൾ അവരുടെ കൂടെ പോരാം ”

“ശെരിയെന്നാ എന്തേലും ഉണ്ടെങ്കിൽ അപ്പൊ തന്നെ വിളിക്കണേ… ”

കാൾ കട്ട്‌ ആയപ്പോഴേക്കും കറന്റ്‌ പോയി ഞങ്ങൾ ഇരുട്ടത്തായി…

ചേച്ചി അപ്പോഴേക്കും വിളക്ക് കൊണ്ടുവന്നു… കോൾ ചെയ്യാൻ ടെറസിലേക്കാണ് ഞാൻ ഓടിക്കയറിയത് മുകളിൽ റൂഫിങ് ഷീറ്റ് ഇട്ടിരിക്കുന്നത് കൊണ്ട് ഇവിടെ മഴകൊള്ളാതെ സുഖമായിരിക്കാം…